ಗೋಪಿಕಾ ಗೀತೆಯಿಂದ

ಜಯತಿ ತೇsಧಿಕಂ ಜನ್ಮನಾ ವ್ರಜಃ (ಕೃಷ್ಣ!) ಶ್ರಯತ ಇಂದಿರಾ ಶಶ್ವದತ್ರ ಹಿ | ದಯಿತ ದೃಶ್ಯತಾಂ ದಿಕ್ಷು ತಾವಕಾಃ (ಕೃಷ್ಣ!) ತ್ವಯಿ ಧೃತಾಸವಸ್ತ್ವಾಂ ವಿಚಿನ್ವತೇ || ವಿಷಜಲಾಪ್ಯಯಾದ್ ವ್ಯಾಲರಾಕ್ಷಸಾದ್ (ಕೃಷ್ಣ!) ವರ್ಷಮಾರುತಾದ್ ವೈದ್ಯುತಾನಲಾತ್ | ವೃಷಮಯಾತ್ಮಜಾದ್ ವಿಶ್ವತೋಭಯಾತ್ (ಕೃಷ್ಣ!) ಋಷಭ ತೇ ವಯಂ ರಕ್ಷಿತಾ ಮುಹುಃ || ನ ಖಲು ಗೋಪಿಕಾನಂದನೋ ಭವಾನ್ (ಕೃಷ್ಣ!) ಅಖಿಲದೇಹಿನಾಮಂತರಾತ್ಮದೃಕ್ | ವಿಖನಸಾರ್ಥಿತೋ ವಿಶ್ವಗುಪ್ತಯೇ (ಕೃಷ್ಣ!) ಸಖ ಉದೇಯಿವಾನ್ ಸಾತ್ವತಾಂ ಕುಲೇ || ತವ ಕಥಾಮೃತಂ ತಪ್ತಜೀವನಂ (ಕೃಷ್ಣ!) ಕವಿಭಿರೀಡಿತಂ ಕಲ್ಮಷಾಪಹಮ್ | ಶ್ರವಣಮಂಗಲಂ ಶ್ರೀಮದಾತತಂ (ಕೃಷ್ಣ!) ಭುವಿ ಗೃಣಂತಿ ತೇ ಭೂರಿದಾ ಜನಾಃ || ಅಟತಿ ಯದ್ಭವಾನ್ ಅಹ್ನಿ ಕಾನನಂ (ಕೃಷ್ಣ!) ತ್ರುಟಿರ್ಯುಗಾಯತೇ ತ್ವಾಮಪಶ್ಯತಾಮ್ | ಕುಟಿಲಕುಂತಲಂ ಶ್ರೀಮುಖಂ ಚ ತೇ (ಕೃಷ್ಣ!) ಜಡ ಉದೀಕ್ಷತಾಂ ಪಕ್ಷ್ಮಕೃದ್ದೃಶಾಮ್ ||