ಶ್ರೀಮದನ ಮೋಹನಾಷ್ಟಕಮ್

ಜಯ ಶಂಖಗದಾಧರ ನೀಲಕಲೇವರ ಪೀತಪಟಾಂಬರ ದೇಹಿ ಪದಮ್ | ಜಯ ಚಂದನಚರ್ಚಿತ ಕುಂಡಲಮಂಡಿತ ಕೌಸ್ತುಭಶೋಭಿತ ದೇಹಿ ಪದಮ್ || ಜಯ ಪಂಕಜಲೋಚನ ಮಾರವಿಮೋಹನ ಪಾಪವಿಖಂಡನ ದೇಹಿ ಪದಮ್ | ಜಯ ವೇಣುನಿನಾದಕ ರಾಸವಿಹಾರಕ ಬಂಕಿಮ ಸುಂದರ ದೇಹಿ ಪದಮ್ || ಜಯ ಧೀರಧುರಂಧರ ಅದ್ಭುತಸುಂದರ ದೈವತಸೇವಿತ ದೇಹಿ ಪದಮ್ | ಜಯ ವಿಶ್ವವಿಮೋಹನ ಮಾನಸಮೋಹನ ಸಂಸ್ಥಿತಿಕಾರಣ ದೇಹಿ ಪದಮ್ || ಜಯ ಭಕ್ತಜನಾಶ್ರಯ ನಿತ್ಯಸುಖಾಲಯ ಅಂತಿಮಬಾಂಧವ ದೇಹಿ ಪದಮ್ | ಜಯ ದುರ್ಜನಶಾಸನ ಕೇಲಿಪರಾಯಣ ಕಾಲಿಯಮರ್ದನ ದೇಹಿ ಪದಮ್ || ಜಯ ನಿತ್ಯನಿರಾಮಯ ದೀನದಯಾಮಯ ಚಿನ್ಮಯ ಮಾಧವ ದೇಹಿ ಪದಮ್ | ಜಯ ಪಾಮರಪಾವನ ಧರ್ಮಪರಾಯಣ ದಾನವಸೂದನ ದೇಹಿ ಪದಮ್ || ಜಯ ವೇದವಿದಾಂವರ ಗೋಪವಧೂಪ್ರಿಯ ವೃಂದಾವನಧನ ದೇಹಿ ಪದಮ್ | ಜಯ ಸತ್ಯಸನಾತನ ದುರ್ಗತಿಭಂಜನ ಸಜ್ಜನರಂಜನ ದೇಹಿ ಪದಮ್ || ಜಯ ಸೇವಕವತ್ಸಲ ಕರುಣಾಸಾಗರ ವಾಂಛಿತಪೂರಕ ದೇಹಿ ಪದಮ್ | ಜಯ ಪೂತಧರಾತಲ ದೇವಪರಾತ್ಪರ ಸತ್ವಗುಣಾಕರ ದೇಹಿ ಪದಮ್ || ಜಯ ಗೋಕುಲಭೂಷಣ ಕಂಸನಿಷೂಧನ ಸಾತ್ವತಜೀವನ ದೇಹಿ ಪದಮ್ | ಜಯ ಯೋಗಪರಾಯಣ ಸಂಸೃತಿವಾರಣ ಬ್ರಹ್ಮನಿರಂಜನ ದೇಹಿ ಪದಮ್ ||