ಶ್ರೀರಾಮಕೃಷ್ಣ-ನಾಮ-ಸಂಕೀರ್ತನದಿಂದ

ಸರ್ವಜೀವಪಾಪನಾಶಕಾರಣಂ ಭವೇಶ್ವರಂ ಸ್ವೀಕೃತಂ ಚ ಗರ್ಭವಾಸದೇಹಪಾಶಮೀದೃಶಮ್ | ಯಾಪಿತಂ ಸ್ವಲೀಲಯಾ ಚ ಯೇನ ದಿವ್ಯಜೀವನಂ ತಂ ನಮಾಮಿ ದೇವದೇವರಾಮಕೃಷ್ಣಮೀಶ್ವರಮ್ || -ಸ್ವಾಮಿ ವಿರಜಾನಂದ ಓಂಶ್ರೀವಿವೇಕಾನಂದಾದಿ-ಸಚ್ಛಿಷ್ಯಸುಪೂಜಿತಾಯ ಶ್ರೀಶಾರದಾದೇವ್ಯಾsವಿರತ-ಸೇವಿತಾಯ ಶ್ರೀರಾಮಕೃಷ್ಣ- ಪರಮಹಂಸಾಯ ಅವತಾರವರಿಷ್ಠಾಯ ಚ ತೇ ನಮಃ || ಜೀವನಕಥನಮ್ ಪರಬ್ರಹ್ಮ-ಪರಾಶಕ್ತಿ-ಜಗದ್ರೂಪ- ರಾಮಕೃಷ್ಣ ಧರ್ಮರಕ್ಷಣಾಯ ಜಗತಿ ದೇಹಧಾರಿ ರಾಮಕೃಷ್ಣ ಜನ್ಮಪೂತ-ವಂಗದೇಶ-ವಿಪ್ರವಂಶ ರಾಮಕೃಷ್ಣ ಚಂದ್ರಮಣಿ-ಕ್ಷುಧೀರಾಮ-ಸೌಖ್ಯದಾತೃ- ರಾಮಕೃಷ್ಣ ಶೈಶವೇsಪಿ ಶಿಲ್ಪಗೀತ-ಕಲಾನಿಪುಣ ರಾಮಕೃಷ್ಣ ಪಕ್ಷಿಪಂಕ್ತಿ-ದರ್ಶನಾತ್ ಸಮಾಧಿಮಾಪ್ತ ರಾಮಕೃಷ್ಣ ಸಪ್ತಮಾಬ್ದ-ಲುಪ್ತಪಿತೃಪ್ರೇಮ-ಬಾಲ ರಾಮಕೃಷ್ಣ ಬಾಲ್ಯ ಏವ ವಿರಾಗಾಗ್ನಿ-ದಹ್ಯಮಾನ ರಾಮಕೃಷ್ಣ ಭೂತಭುವಿ ಧ್ಯಾನಮಗ್ನ-ಬಾಲಯೋಗಿ ರಾಮಕೃಷ್ಣ ಭಿಕ್ಷು-ಯೋಗಿ-ಸಾಧು-ಸಂಗ-ಮೋದಮಾನ ರಾಮಕೃಷ್ಣ ವಿಶಾಲಾಕ್ಷಿಸದ್ಮಪಥೇ ವಿಸ್ಮøತಾತ್ಮ ರಾಮಕೃಷ್ಣ ಸೂತ್ರಧರಣ-ಕಾಲ-ಪಾಲಿತ-ಪ್ರತಿಜ್ಞ ರಾಮಕೃಷ್ಣ ಧನೀದತ್ತ-ಭಿಕ್ಷಯಾsತಿ-ತುಷ್ಯಮಾಣ ರಾಮಕೃಷ್ಣ ಸೂರಿಸಭಾ-ರಾಜಮಾನ-ಬಾಲಸೂರ್ಯ ರಾಮಕೃಷ್ಣ ಶೈವರಾತ್ರಿನಾಟಕೇ ಶಿವಾಯಮಾನ ರಾಮಕೃಷ್ಣ ಶ್ರೀನಿವಾಸವಲಯಕಾರ-ಪೂಜಿತಾಂಘ್ರಿ ರಾಮಕೃಷ್ಣ ಸದಾ ಭಕ್ತಿಗೀತ-ದೇವಪೂಜನ-ರತ ರಾಮಕೃಷ್ಣ ಕೃಷ್ಣರಾಗಯುಕ್ತ-ರಾಧಿಕಾಯಮಾನ ರಾಮಕೃಷ್ಣ ಲೋಕಶಿಕ್ಷಣಂ ವಿಹಾಯ ಮೋಕ್ಷಕಾಮ ರಾಮಕೃಷ್ಣ ದಕ್ಷಿಣೇಶ-ಕಾಲಿಕಾರ್ಚನಾದಿ-ನಿರತ ರಾಮಕೃಷ್ಣ ಭಕ್ತಿಹೀನ ರಾಸಮಣಿಂ ಶಿಕ್ಷಿತವಾನ್ ರಾಮಕೃಷ್ಣ ಜಗನ್ಮಾತೃ-ದರ್ಶನಾಯ ರೋರುವನ್ ಹಿ ರಾಮಕೃಷ್ಣ ಆತ್ಮಹನನ-ಸಮಯ-ದತ್ತಮಾತೃದೃಷ್ಟಿ ರಾಮಕೃಷ್ಣ ಸರ್ವಕಾಲ-ಜಗನ್ಮಾತೃ-ದೃಷ್ಟಿಭರಿತ ರಾಮಕೃಷ್ಣ ಶಿವೋನ್ಮಾದನಿರಾಸಾಯ ಕೃತೋದ್ವಾಹ ರಾಮಕೃಷ್ಣ ವಿವಾಹೇ ಕೃತೇsಪಿ ತವಾಚಲಂ ಮನೋ ರಾಮಕೃಷ್ಣ ಭೈರವೇಯ-ಪಾದತಲೇ ಶಿಷ್ಯಭೂತ ರಾಮಕೃಷ್ಣ ತಂತ್ರಶಾಸ್ತ್ರ-ಸಾಧನೇನ ಸಿದ್ಧಿಮಾಪ್ತ ರಾಮಕೃಷ್ಣ ಭಕ್ತಿಮಗ್ನಚಿತ್ತಯುಕ್ತ-ಪರಮಭಕ್ತ ರಾಮಕೃಷ್ಣ ರಾಮಭಕ್ತಿ-ವಿಸ್ಮøತಾತ್ಮ-ವಾನರಸಮ ರಾಮಕೃಷ್ಣ ಕೃಷ್ಣಭಕ್ತಿ-ವಿಸ್ಮøತಾತ್ಮ-ರಾಧಿಕೈವ ರಾಮಕೃಷ್ಣ ತೋತಾಪುರಿ-ವಿದಿತವೇದಶಿರಸ್ತತ್ತ್ವ ರಾಮಕೃಷ್ಣ ಚಿರಸಮಾಧಿ-ಮೇರುಶಿಖರ-ದೃಢಸ್ಥಾನ ರಾಮಕೃಷ್ಣ ಸಾಧನ-ಸಮಯೇsಪಿ ಶಿಕ್ಷಿತಾತ್ಮಗುರೋ ರಾಮಕೃಷ್ಣ ಕ್ರೈಸ್ತಪೂರ್ವ-ಚಿತ್ರಧರ್ಮ-ಚರಣ-ನಿರತ ರಾಮಕೃಷ್ಣ ಸರ್ವಧರ್ಮ-ಸಮಾನತ್ವ-ಸತ್ಯದರ್ಶಿ ರಾಮಕೃಷ್ಣ ಏಕವಸ್ತು-ವಿವಿಧನಾಮ-ತತ್ತ್ವದರ್ಶಿ ರಾಮಕೃಷ್ಣ ಸ್ವಪತ್ನ್ಯೈವಿಶುದ್ಧಹರ್ಷಬೋಧದಾತೃ ರಾಮಕೃಷ್ಣ ಪ್ರಯಾಗಾದಿ-ತೀರ್ಥನಗರ್ಯಟನಶೀಲ ರಾಮಕೃಷ್ಣ ತತ್ರ ದುಃಖಿಜನಾನ್ ವೀಕ್ಷ್ಯ ಮೋಚಿತಾಶ್ರು ರಾಮಕೃಷ್ಣ ಸ್ವಪತ್ನ್ಯಾಮಪೂರ್ವಮಾತೃದೃಷ್ಟಭರ್ತೃ ರಾಮಕೃಷ್ಣ ಸಮಾಧಿಸ್ಥಶಾರದಾಂ ಸುಪೂಜಿತವಾನ್ ರಾಮಕೃಷ್ಣ ಬ್ರಾಹ್ಮಸಭ್ಯ-ಕೇಶವಾದಿ-ಕರ್ಷಿತವಾನ್ ರಾಮಕೃಷ್ಣ ಭಕ್ತಸೇವಕಾಗಮಂ ಪ್ರತೀಕ್ಷಮಾಣ ರಾಮಕೃಷ್ಣ ಸಾಧುಶಿಷ್ಯ-ಭಕ್ತವೃಂದ-ಭೃಂಗಕಮಲ ರಾಮಕೃಷ್ಣ ಸಾಧುಶಿಷ್ಯ-ಭಕ್ತ-ಹೃದಯ-ಕಮಲ-ತರಣಿ ರಾಮಕೃಷ್ಣ ನರೇಂದ್ರಾದಿ-ಛಾತ್ರಕೋಟಿ-ಶಿಕ್ಷಮಾಣ ರಾಮಕೃಷ್ಣ ಭಕ್ತಪಾಪಕರ್ಷಣಾದ್ರುಜಯಾssಗ್ರಸ್ತ ರಾಮಕೃಷ್ಣ ರೋಗದುಃಖನಿರ್ವಿಷಣ್ಣ ಮನೋಯುಕ್ತ ರಾಮಕೃಷ್ಣ ಮಹಾಸಮಾಧೌ ಹಿ ಪರಬ್ರಹ್ಮಲೀನ ರಾಮಕೃಷ್ಣ -ಸ್ವಾಮಿ ಹರ್ಷಾನಂದ * * * ಹೇ ಪ್ರೇಮರೂಪ ಶ್ರೀರಾಮಕೃಷ್ಣ ಕರುಣಾಮಯ ಪಾಲಯ ಮಾಮ್ | ಹೇ ದೀನಬಂಧು ಶ್ರೀ ಶಾರದೇಶ ಮಮ ಪ್ರಾಣಪ್ರಿಯ ಪಾಹಿ ಮಾಮ್ ||