← Back to home
ದಯಾಸಾಗರ ನೀನು ದಾತಾರನೈ ನೀನು
Author: ಸ್ವಾಮಿ ಪುರುಷೋತ್ತಮಾನಂದCategory: ಶ್ರೀರಾಮಕೃಷ್ಣRaaga: ರಾಗಮಾಲಿಕೆTaala: ಝಪತಾಲ
ॐ
ದಯಾಸಾಗರ ನೀನು ದಾತಾರನೈ ನೀನು
ನಾನೇಕೆ ದೀನನಾಗುಳಿಯಲಿನ್ನು ||
ಹೇ ದೇವ ನೀನೆನಗೆ ನೀಡಿರುವೆ ಕಣ್ಣೆರಡ
ಆದರವು ಕಾಣಲಾರವು ನಿನ್ನನು |
ನೀನಾದರೂ ನಿನ್ನ ಸಾಸಿರದ ನಯನದಿಂ
ನನ್ನ ದುರವಸ್ಥೆಯನು ಕಾಣೆಯೇನು ||
ನನಗೊಂದು ಹೃದಯವಿದೆ ಅದ ಕೊಟ್ಟವನು ನೀನೆ
ಆದರದು ಬತ್ತಿರುವ ಕೆರೆಯಂತಿದೆ
ನಿನ್ನ ಹೃದಯಸರೋವರದ ಸುಧೆಯನೊಂದಿಷ್ಟು
ನನ್ನೆದೆಗೆ ನೀನೇ ಹರಿಸಬಾರದೆ||
ಆನಂದಘನ ನೀನು ನಿನ್ನ ಪುತ್ರನು ನಾನು
ಬರಲಿ ಆ ಆನಂದ ಎನ್ನ ಎದೆಗೂ|
ನೀನು ನನ್ನವನಯ್ಯ ನಾನಂತು ನಿನ್ನವನೇ
ಇನ್ನೇಕೆ ಚಿಂತಿಸಲಿ ಯಾವ ಬಗೆಗೂ||
Thoughts & Reflections
0No reflections shared yet. Be the first to share your thoughts!