ಶ್ರೀಗದಾಧರಸ್ತೋತ್ರಮ್

ಘನಚೇತನಮಕ್ರಿಯಮಾದಿಮಜಂ, ಚಿರ-ನಿಶ್ಚಲ-ನಿಷ್ಕಲ ನಿರ್ವಿರುಜಮ್ | ಸುಖ-ಸದ್ಮ-ವಿಶುದ್ಧ-ವಿಬುದ್ಧ ವರಂ, ಪ್ರಣಮಾಮಿ-ಗದಾಧರ ಬ್ರಹ್ಮಪರಮ್ ॥ ೧॥ ಶತ-ಸೌರಿ-ಮುರಾರಿ-ತರಂಗಯುತಂ, ಅಯುತಾಯುತ-ಭಾಸ್ಕರ-ಕುಕ್ಷಿವೃತಮ್ | ಸುವಿಶಾಲ-ಸಮುದ್ರ-ಸುದಭ್ರಕರಂ, ಪ್ರಣಮಾಮಿ ಗದಾಧರ ಬ್ರಹ್ಮಪರಮ್ ॥ ೨॥ ಕ್ಷುದಿರಾಮ-ವಿರಾಮ-ವಿಲಾಸಕರಂ, ಛಲ ಜೃಂಭಿತಕಾರಣ ಕಾರ್ಯವಲಮ್ | ಜಿತಕಾಂಚನ-ಕಾಮ-ಪ್ರಪಂಚಹರಂ, ಪ್ರಣಮಾಮಿ ಗದಾಧರ ಬ್ರಹ್ಮಪರಮ್ ॥ ೩॥ ಯುಗಧರ್ಮ-ಪ್ರವರ್ತಕ-ಗುಪ್ತನರಂ, ಜನಪಾವನ-ಗಾಂಗ್ಯ-ತಟಾವಸಥಮ್ | ಶಿಶುಸೌಮ್ಯಮಗಮ್ಯ-ಪ್ರಣಮ್ಯವರಂ, ಪ್ರಣಮಾಮಿ ಗದಾಧರ-ಬ್ರಹ್ಮಪರಮ್ ॥ ೪॥ ಶಿವ-ಕೇಶವ-ವಾಸವ-ಸಂಗಯುತಂ, ಅವತಾರಗರಿಷ್ಠಮರಿಷ್ಠ-ಹತಮ್ | ಅಘಮೋಚನ ದುಷ್ಕೃತ ಮುಕ್ತಿಕರಂ, ಪ್ರಣಮಾಮಿ ಗದಾಧರ-ಬ್ರಹ್ಮಪರಮ್ ॥ ೫॥ ಕರುಣಾಘನ-ಕರ್ಮಕಠೋರ-ಪಣಂ, ಗುಣಹೀನಮಪಾಪಮಶೇಷ ಗುಣಮ್ | ಯುಗಚಕ್ರ-ವಿವರ್ತಕ ತರ್ಕಹರಂ, ಪ್ರಣಮಾಮಿ ಗದಾಧರ-ಬ್ರಹ್ಮಪರಮ್ ॥ ೬॥ ಶುಭ ಬೆಳೂರ-ಮಂದಿರ-ಸನ್ನಿಹಿತಂ, ನಿಜಶಿಷ್ಯ ಪ್ರಶಿಷ್ಯ-ವಿಶೇಷರತಮ್ | ಶಿವಮೋಕ್ಷ-ಧನೇಶ್ವರಮಾದಿಗುರುಂ, ಪ್ರಣಮಾಮಿ ಗದಾಧರ-ಬ್ರಹ್ಮಪರಮ್ ॥ ೭॥ ಸುಗಭೀರ-ಸಮಾಧಿಸಮುದ್ರ-ಗತಂ, ಕೃತಭಕ್ತಿವಿಕಾಸನ-ವಿಶ್ವಹಿತಮ್ | ತವ ಶುಭನಾಮ-ಭವತಾಪಹರಂ, ಪ್ರಣಮಾಮಿ ಗದಾಧರ-ಬ್ರಹ್ಮಪರಮ್ ॥ ೮॥