ಶ್ರೀರಾಮಕೃಷ್ಣ-ಮಂಗಲಾಶಾಸನಮ್‌

ಮಂಗಲಂ ದೇಶಿಕೇಂದ್ರಾಯ ಯಮಿನಾಂ ಚಕ್ರವರ್ತಿನೇ। ಪರಾಶಕ್ತಿ-ಸ್ವರೂಪಿಣ್ಯೈ ದೇವ್ಯೈ ಭವತು ಮಂಗಲಮ್‌ ॥೧॥ ಸತ್ಯಸಂಧಸ್ಯ ಭಕ್ತಸ್ಯ ಕ್ಷುದೀರಾಮಸ್ಯ ಸೂನವೇ | ಗದಾಧರಾಯ ಮೇದಿನ್ಯಾಮವತೀರ್ಣಾಯ ಮಂಗಲಮ್‌ ॥ ೨॥ ಗದಾಧರಸುನಾಮ್ನೇ ಚ ಭಕ್ತ್ಯಾವೇಷ್ಟಿತಚೇತಸೇ । ಅನಾದೃತಾನ್ಯವಿದ್ಯಾಯ ಮಂಗಲಂ ಬ್ರಹ್ಮಚಾರಿಣೇ ॥ ೩॥ ಭವತಾರಣದಕ್ಷಾಯಾಸನ್ನಿಧೌ ದಕ್ಷಿಣೇಶ್ವರೇ । ಅಪೂರ್ವಕಾಲಿಕಾಪೂಜಾನಿರತಾಯಾಸ್ತು ಮಂಗಲಮ್‌ ॥೪॥ ಮಥುರಾನಾಥವಿಶ್ವಾಸಸೇವಾನಿರ್ವೃತಚೇತಸೇ। ತಪಶ್ಚರಣಶೀಲಾಯ ಯೋಗೀಶಾಯಾಸ್ತು ಮಂಗಲಮ್‌ ॥೫॥ ಸಾಧಕವ್ಯಾಜಸಂದಿಷ್ಟಸರ್ವಾಮ್ನಾಯಸುವರ್ತ್ಮನೇ! ಸರ್ವತಂತ್ರಸ್ವತಂತ್ರಾಯ ನಿತ್ಯಸಿದ್ಧಾಯ ಮಂಗಲಮ್‌ ॥೬॥ ತಪಸಿ ಬ್ರಹ್ಮಚರ್ಯೇ ಚ ಯಾ ಸ್ವಸ್ಯ ಸಹಧರ್ಮಿಣೇ। ತಸ್ಯಾಃ ಶ್ರೀಶಾರದಾದೇವ್ಯಾ ಭರ್ತ್ರೇ ಭವತು ಮಂಗಲಮ್‌ 1॥೭॥ ತೋತಾಪುರೀಯತಿಪ್ರಾಪ್ತಚರಮಾಶ್ರಮಹೇತುಕೇ | ಸಮಾಧೌ ನಿರ್ವಿಕಲ್ಪಾಖ್ಯೇ ಸುದೀರ್ಘಸ್ಥಾಯ ಮಂಗಲಮ್‌ 1॥೮॥- ಸ್ಥಿತಾಯ ಮಾತುರಾದೇಶಾಜ್ಜಗದುದ್ಧಾರಕಾರಣಾತ್‌ । ಪೂರ್ಣಾಹಂತಾಸ್ಥಿತೌ ಭಾವಮುಖೇ ಭವತು ಮಂಗಲಮ್‌ ॥೯॥ ಪಶ್ಯತೇ ಮಾತರಂ ಸ್ತ್ರೀಷು ಮೃತ್ಪಿಂಡಂ ಕಾಂಚನೇ ತಥಾ। ಸರ್ವಭೂತೇಷು ಚ ಬ್ರಹ್ಮಮಾಯಾತೀತಾಯ ಮಂಗಲಮ್‌ ॥ ೧೦॥ ಸದಾರೋsಪಿ ವಿರಕ್ತಾನಾಂ ಯತೀನಾಂ ಪುರತಸ್ತು ಯಃ | ಸದಾಶಿವ-ಸ್ವರೂಪಾಯ ತಸ್ಮೈ ಭವತು ಮಂಗಲಮ್‌ !1೧೧॥ ಬ್ರಹ್ಮಾನಂದಾದಿಸಚ್ಛಿಷ್ಯಗಣಪೂಜ್ಯಪದಾಯ ತೇ | ತೇಷೂದ್ದೀಪ್ತಾತ್ಮ ಬೋಧಾಯ ಪರಹಂಸಾಯ ಮಂಗಲಮ್‌ ॥ ೧೨॥ ಗರ್ಜದ್ವೇದಾಂತಸಿಂಹೇನ ವಿವೇಕಾನಂದರೂಪಿಣಾ । ಅಪಾಸ್ತನಿದ್ರಾಭೂರ್ಯೆನ ಕಾರಿತಾ ತಸ್ಯ ಮಂಗಲಮ್‌ ॥೧೩॥ ಸಂಸಾರಸಾಗರೋತ್ತಾರಸೇತುಭೂತಾಂಘ್ರಿರೇಣವೇ | ಗುರವೇ ಸರ್ವಲೋಕಾನಾಂ ರಾಮಕೃಷ್ಣಾಯ ಮಂಗಲಮ್‌ ॥೧೪॥ ಓಂ ಸ್ಥಾಪಕಾಯ ಚ ಧರ್ಮಸ್ಯ ಸರ್ವಧರ್ಮಸ್ವರೂಪಿಣೇ । ಅವತಾರವರಿಷ್ಠಾಯ ರಾಮಕೃಷ್ಣಾಯ ಮಂಗಲಮ್‌ ॥!೧೫॥ ಮಂಗಲಂ ಗುರುದೇವಾಯ ದೇವ್ಯೈ ಮಾತ್ರೇ ಚ ಮಂಗಲಮ್‌ | ಮಂಗಲಂ ಭಕ್ತವೃಂದೇಭ್ಯಃ ಸರ್ವಲೋಕಾಯ ಮಂಗಲಮ್‌ ॥೧೬॥