ಯತಿಪಂಚಕಂ

ವೇದಾಂತವಾಕ್ಯೇಷು ಸದಾ ರಮಂತಃ ಭಿಕ್ಷಾನ್ನಮಾತ್ರೇಣ ಚ ತುಷ್ಟಿಮಂತಃ । ವಿಶೋಕವಂತಃ ಕರಣೈಕವಂತಃ ಕೌಪೀನವಂತಃ ಖಲು ಭಾಗ್ಯವಂತಃ ॥ ೧॥ ಮೂಲಂ ತರೋಃ ಕೇವಲಮಾಶ್ರಯಂತಃ ಪಾಣಿದ್ವಯಂ ಭೋಕ್ತುಮಮತ್ರಯಂತಃ । ಕಂಥಾಮಿವ ಶ್ರೀಮಪಿ ಕುತ್ಸಯಂತಃ ಕೌಪೀನವಂತಃ ಖಲು ಭಾಗ್ಯವಂತಃ ॥ ೨॥ ದೇಹಾದಿಭಾವಂ ಪರಿಮಾರ್ಜಯಂತ ಆತ್ಮಾನಮಾತ್ಮನ್ಯವಲೋಕಯಂತಃ । ನಾಂತಂ ನ ಮಧ್ಯಂ ನ ಬಹಿಃ ಸ್ಮರಂತಃ ಕೌಪೀನವಂತಃ ಖಲು ಭಾಗ್ಯವಂತಃ ॥ ೩॥ ಸ್ವಾನಂದಭಾವೇ ಪರಿತುಷ್ಟಿಮಂತಃ ಸಂಶಾಂತಸರ್ವೇಂದ್ರಿಯದೃಷ್ಟಿಮಂತಃ । ಅಹರ್ನಿಶಂ ಬ್ರಹ್ಮಣಿ ಯೇ ರಮಂತಃ ಕೌಪೀನವಂತಃ ಖಲು ಭಾಗ್ಯವಂತಃ ॥ ೪॥ ಪಂಚಾಕ್ಷರಂ ಪಾವನಮುಚ್ಚರಂತಃ ಪತಿಂ ಪಶೂನಾಂ ಹೃದಿ ಭಾವಯಂತಃ । ಭಿಕ್ಷಾಶನಾ ದಿಕ್ಷು ಪರಿಭ್ರಮಂತಃ ಕೌಪೀನವಂತಃ ಖಲು ಭಾಗ್ಯವಂತಃ ॥ ೫॥