ॐ
ನಿನ್ನ ಅನುಪಮ ಪ್ರೇಮಕಾಂತಿಯ
ವದನ ದರುಶನವಾಗಲು
ಜಗದ ಜಂಜಡ ದುಗುಡುಗಳ ಭಯ
ನನ್ನ ಬಳಿಗೇ ಬಾರದು ॥
ಉದಯ ಸೂರ್ಯನ ಮೊದಲ ಕಿರಣವು
ಕತ್ತಲೆಯ ಕಳೆವಂದದಿ
ನಮ್ಮ ಎದೆಯೊಳು ನಿನ್ನ ಬೆಳಕೇ
ಮೂಡಿ ನೋವನು ನೀಗಿ ಮನದೊಳು
ನಿನ್ನ ಪ್ರೇಮವನೆರೆವುದು ॥
ನಿನ್ನ ಕರುಣಾ ಪ್ರೇಮಗಳ ನಾ
ನನ್ನ ಮನದಲಿ ನೆನೆದರೆ
ಹರ್ಷ ಬಾಷ್ಪದ ಹೊನಲು ಹರಿವುದು
ಯಾವ ತಡೆಯೂ ಇಲ್ಲದೆ ॥
ಜಯವು ಕರುಣಾಮಯನೆ ನಿರುತವು
ನಿನ್ನ ಒಲವನೆ ಸಾರುವೆ
ನಿನ್ನ ಕರ್ಮದಿ ನನ್ನ ಪ್ರಾಣವು
ಸಮೆಯಲೆನ್ನುತ ಬೇಡುವೆ ॥
Thoughts & Reflections
0No reflections shared yet. Be the first to share your thoughts!