ಯಾರಿದ್ದರೇನಯ್ಯ ನೀನಲ್ಲದೆನಗಿಲ್ಲ

ಯಾರಿದ್ದರೇನಯ್ಯ ನೀನಲ್ಲದೆನಗಿಲ್ಲ ' ಕಾರುಣ್ಯನಿಧಿ ಹರಿಯೇ ಕೈಯ ಬಿಡಬೇಡ ॥ ದುರುಳಕೌರವನಂದು ದ್ರುಪದಜೆಯ ಸೀರೆಯನು ಕರದಿಂದ ಸೆಳೆಯುತಿರೆ ಪತಿಗಳೆಲ್ಲ ಗರಹೊಯ್ದಂತಿರ್ದರಲ್ಲದೆ ನರಹರಿಯೆ ಕರುಣದಿಂ ನೀನಲ್ಲದಿನ್ಕಾರು ಕಾಯ್ದವರು ॥ ಅಂದು ನೆಗಳಿನ ಬಾಧೆಯಿಂದ ಗಜರಾಜನನು ತಂದೆ ನೀ ವೈಕುಂಠದಿಂದ ಬಂದು ಇಂದಿರೀಶನೆ ಚಕ್ರದಿಂದ ನೆಗಳಿನ ಬಾಯ ಸಂದಿಯನು ಸೀಳಿ ಪೊರೆದೆಯಲ್ಲೋ ಹರಿಯೆ ॥ ಅಜಮಿಳನು ಕುಲಗೆಟ್ಟು ಕಾಲದೂತರು ಬರಲು ನಿಜಸುತನ ಕರೆಯೆ ನೀನತಿವೇಗದಿ ತ್ರಿಜಗದೊಡೆಯನೆ ಪುರಂದರವಿಟ್ಠಲ ಕರುಣದಲಿ ನಿಜದೂತರ ಕಳುಹಿ ಕಾಯ್ದೆ ಗಡ ಹರಿಯೆ ॥