ದ್ವಾದಶ ಸ್ತೋತ್ರಾಣಿ : ಸ್ತೋತ್ರ 10

ಅವ ನಃ ಶ್ರೀಪತಿರಪ್ರತಿರಧಿಕೇಶಾದಿಭವಾದೇ | ಕರುಣಾಪೂರ್ಣವರಪ್ರದಚರಿತಂ ಜ್ಞಾಪಯ ಮೇ ತೇ || ೧ || ಸುರವಂದ್ಯಾಧಿಪ ಸದ್ವರಭರಿತಾಶೇಷಗುಣಾಲಂ | ಕರುಣಾಪೂರ್ಣವರಪ್ರದಚರಿತಂ ಜ್ಞಾಪಯ ಮೇ ತೇ || ೨ || ಸಕಲಧ್ವಾಂತವಿನಾಶನ ಪರಮಾನಂದಸುಧಾಹೋ | ಕರುಣಾಪೂರ್ಣವರಪ್ರದಚರಿತಂ ಜ್ಞಾಪಯ ಮೇ ತೇ || ೩ || ತ್ರಿಜಗತ್ಪೋತ ಸದಾರ್ಚಿತಚರಣಾಶಾಪತಿಧಾತೋ | ಕರುಣಾಪೂರ್ಣವರಪ್ರದಚರಿತಂ ಜ್ಞಾಪಯ ಮೇ ತೇ || ೪ || ತ್ರಿಗುಣಾತೀತವಿಧಾರಕ ಪರಿತೋ ದೇಹಿ ಸುಭಕ್ತಿಂ | ಕರುಣಾಪೂರ್ಣವರಪ್ರದಚರಿತಂ ಜ್ಞಾಪಯ ಮೇ ತೇ || ೫ || ಶರಣಂ ಕಾರಣಭಾವನ ಭವ ಮೇ ತಾತ ಸದಾಽಲಂ | ಕರುಣಾಪೂರ್ಣವರಪ್ರದಚರಿತಂ ಜ್ಞಾಪಯ ಮೇ ತೇ || ೬ || ಮರಣಪ್ರಾಣದ ಪಾಲಕ ಜಗದೀಶಾವ ಸುಭಕ್ತಿಂ | ಕರುಣಾಪೂರ್ಣವರಪ್ರದಚರಿತಂ ಜ್ಞಾಪಯ ಮೇ ತೇ || ೭ || ತರುಣಾದಿತ್ಯಸವರ್ಣಕಚರಣಾಬ್ಜಾಮಲ ಕೀರ್ತೇ | ಕರುಣಾಪೂರ್ಣವರಪ್ರದಚರಿತಂ ಜ್ಞಾಪಯ ಮೇ ತೇ || ೮ || ಸಲಿಲಪ್ರೋತ್ಥಸರಾಗಕಮಣಿವರ್ಣೋಚ್ಚನಖಾದೇ | ಕರುಣಾಪೂರ್ಣವರಪ್ರದಚರಿತಂ ಜ್ಞಾಪಯ ಮೇ ತೇ || ೯ || ಕಜ ತೂಣೀನಿಭಪಾವನವರಜಂಘಾಮಿತಶಕ್ತೇ | ಕರುಣಾಪೂರ್ಣವರಪ್ರದಚರಿತಂ ಜ್ಞಾಪಯ ಮೇ ತೇ || ೧೦ || ಇಬಹಸ್ತಪ್ರಭಶೋಭನಪರಮೋರುಸ್ಥರಮಾಳೇ | ಕರುಣಾಪೂರ್ಣವರಪ್ರದಚರಿತಂ ಜ್ಞಾಪಯ ಮೇ ತೇ || ೧೧ || ಅಸನೋತ್ಫುಲ್ಲಸುಪುಷ್ಪಕಸಮವರ್ಣಾವರಣಾಂತೇ | ಕರುಣಾಪೂರ್ಣವರಪ್ರದಚರಿತಂ ಜ್ಞಾಪಯ ಮೇ ತೇ || ೧೨ || ಶತಮೋದೋದ್ಭವಸುಂದರಿವರಪದ್ಮೋತ್ಥಿತನಾಭೇ | ಕರುಣಾಪೂರ್ಣವರಪ್ರದಚರಿತಂ ಜ್ಞಾಪಯ ಮೇ ತೇ || ೧೩ || ಜಗದಾಗೂಹಕಪಲ್ಲವಸಮಕುಕ್ಷೇ ಶರಣಾದೇ | ಕರುಣಾಪೂರ್ಣವರಪ್ರದಚರಿತಂ ಜ್ಞಾಪಯ ಮೇ ತೇ || ೧೪ || ಜಗದಂಬಾಮಲಸುಂದರಿಗೃಹವಕ್ಷೋವರ ಯೋಗಿನ್ | ಕರುಣಾಪೂರ್ಣವರಪ್ರದಚರಿತಂ ಜ್ಞಾಪಯ ಮೇ ತೇ || ೧೫ || ದಿತಿಜಾಂತಪ್ರದ ಚಕ್ರಧರಗದಾಯುಗ್ವರಬಾಹೋ | ಕರುಣಾಪೂರ್ಣವರಪ್ರದಚರಿತಂ ಜ್ಞಾಪಯ ಮೇ ತೇ || ೧೬ || ಪರಮಜ್ಞಾನಮಹಾನಿಧಿವದನ ಶ್ರೀರಮಣೇಂದೋ | ಕರುಣಾಪೂರ್ಣವರಪ್ರದಚರಿತಂ ಜ್ಞಾಪಯ ಮೇ ತೇ || ೧೭ || ನಿಖಿಲಾಘೌಘವಿನಾಶನ ಪರಸೌಖ್ಯಪ್ರದದೃಷ್ಟೇ | ಕರುಣಾಪೂರ್ಣವರಪ್ರದಚರಿತಂ ಜ್ಞಾಪಯ ಮೇ ತೇ || ೧೮ || ಪರಮಾನಂದಸುತೀರ್ಥಸುಮುನಿರಾಜೋ ಹರಿಗಾಥಾಂ | ಕೃತವಾನ್ನಿತ್ಯಸುಪೂರ್ಣಕಪರಮಾನಂದಪದೈಷಿನ್ || ೧೯ ||