ಜೈ ಕಾಳಿ ಎನ್ನುತ್ತ ಹೃದಯ ರತ್ನಾಕರನ

ಜೈ ಕಾಳಿ ಎನ್ನುತ್ತ ಹೃದಯ ರತ್ನಾಕರನ ಅಗಾಧ ಆಳಕ್ಕೆ ಮುಳುಗು ಮನವೇ || ಮೊದಲೆರಡು ಸಲ ನೀನು ವಿಫಲನಾದರೆ ಒಳಗೆ ಬರಿ ಶೂನ್ಯವೆಂದಿದನು ತೆಗಳಬೇಡ | ದೃಢಮನದ ಸಂಯಮದಿ ಕುಲಕುಂಡಲಿನಿ ಕೂಲದೊಳಗಿಳಿದು ಅನುಭವವ ಪಡೆದು ನೋಡ || ಜ್ಞಾನಸಾಗರದೊಳಗೆ ಶಾಂತಿಮುಕ್ತಾಫಲದ ಭಂಡಾರವಿದೆ ಹೋಗು ಅದನು ಗಳಿಸು | ಆಹಾರಲೋಭದಲಿ ಅಲೆವ ಅರಿವರ್ಗಗಳ ವಿವೇಕಲೇಪನದಿ ದೂರಗೊಳಿಸು॥ ರಾಮಪ್ರಸಾದನನು ಕೇಳು ಹೇಳುವನವನು ಅಂತರಂಗದೊಳಿರುವ ಅನಂತ ರತ್ನವನು ಮುಳುಗಿ ಮೇಲಕೆ ತಂದು ನೀನು ಧರಿಸು ||