ನಿಖಿಲಭುವನಜನ್ಮ

ನಿಖಿಲಭುವನಜನ್ಮಸ್ಥೇಮಭಂಗಪ್ರರೋಹಾಃ ಅಕಲಿತಮಹಿಮಾನಃ ಕಲ್ಪಿತಾ ಯತ್ರ ತಸ್ಮಿನ್ । ಸುವಿಮಲಗಗನಾಭೇ ತ್ವೀಶಸಂಸ್ಥೇಽಪ್ಯನೀಶೇ ಮಮ ಭವತು ಭವೇಽಸ್ಮಿನ್ ಭಾಸುರೋ ಭಾವಬಂಧಃ ॥ ನಿಹತನಿಖಿಲಮೋಹೇಽಧೀಶತಾ ಯತ್ರ ರೂಢಾ ಪ್ರಕಟಿತಪರಪ್ರೇಮ್ನಾ ಯೋ ಮಹಾದೇವ ಸಂಜ್ಞಃ । ಅಶಿಥಿಲಪರಿರಂಭಃ ಪ್ರೇಮರೂಪಸ್ಯ ಯಸ್ಯ ಹೃದಿ ಪ್ರಣಯತಿ ವಿಶ್ವಂ ವ್ಯಾಜಮಾತ್ರಂ ವಿಭುತ್ವಮ್ ॥ ವಹತಿ ವಿಪುಲವಾತಃ ಪೂರ್ವ ಸಂಸ್ಕಾರರೂಪಃ ಪ್ರಮಥತಿ ಬಲವೃಂದಂ ಘೂರ್ಣಿತೇವೋರ್ಮಿಮಾಲಾ । ಪ್ರಚಲತಿ ಖಲು ಯುಗ್ಮಂ ಯುಷ್ಮದಸ್ಮತ್ಪ್ರತೀತಮ್ ಅತಿವಿಕಲಿತರೂಪಂ ನೌಮಿ ಚಿತ್ತಂ ಶಿವಸ್ಥಮ್ ॥ ಜನಕಜನಿತಭಾವೋ ವೃತ್ತಯಃ ಸಂಸ್ಕೃತಾಶ್ಚ ಅಗಣನಬಹುರೂಪಾ ಯತ್ರ ಏಕೋ ಯಥಾರ್ಥಃ । ಶಮಿತವಿಕೃತಿವಾತೇ ಯತ್ರ ನಾಂತರ್ಬಹಿಶ್ಚ ತಮಹಹ ಹರಮೀಡೆ ಚಿತ್ತವೃತ್ತೇರ್ನಿರೋಧಮ್ ॥ ಗಲಿತತಿಮಿರಮಾಲಃ ಶುಭ್ರತೇಜಃಪ್ರಕಾಶಃ ಧವಲಕಮಲಶೋಭಃ ಜ್ಞಾನಪುಂಜಾಟ್ಟಹಾಸಃ । ಯಮಿಜನಹೃದಿಗಮ್ಯಃ ನಿಷ್ಕಲಂ ಧ್ಯಾಯಮಾನಃ ಪ್ರಣತಮವತು ಮಂ ಸಃ ಮಾನಸೋ ರಾಜಹಂಸಃ ॥ ದುರಿತದಲನದಕ್ಷಂ ದಕ್ಷಜಾದತ್ತದೋಷಮ್ ಕಲಿತಕಲಿಕಲಂಕಂ ಕಮ್ರಕಲ್ಹಾರಕಾಂತಮ್ । ಪರಹಿತಕರಣಾಯ ಪ್ರಾಣಪ್ರಚ್ಚೇದಪ್ರೀತಂ ನತನಯನನಿಯುಕ್ತಂ ನೀಲಕಂಠಂ ನಮಾಮಃ ॥ - ಸ್ವಾಮಿ ವಿವೇಕಾನಂದ