ಓಂಕಾರವೇದ್ಯಃ ಪುರುಷಃ ಪುರಾಣೋ

ಓಂಕಾರವೇದ್ಯಃ ಪುರುಷಃ ಪುರಾಣೋ ಬುದ್ಧೇಶ್ಚ ಸಾಕ್ಷೀ ನಿಖಿಲಸ್ಯ ಜಂತೋಃ | ಯೋ ವೇತ್ತಿ ಸರ್ವಂ ನ ಚ ಯಸ್ಯ ವೇತ್ತಾ ಪರಾತ್ಮರೂಪೋ ಭುವಿ ರಾಮಕೃಷ್ಣಃ || ಮೋಕ್ಷಸ್ವರೂಪಂ ತವ ಧಾಮ ನಿತ್ಯಂ ಯಥಾ ತದಾಪ್ನೋತಿ ವಿಶುದ್ಧಚಿತ್ತಃ | ತಥೋಪದೇಷ್ಟಾsಖಿಲತತ್ತ್ವವೆತ್ತಾ ತ್ವಂ ವಿಶ್ವಧಾತಾ ಭುವಿ ರಾಮಕೃಷ್ಣಃ || ತೇಜೋಮಯಂ ದರ್ಶಯಸಿ ಸ್ವರೂಪಂ ಕೋಶಾಂತರಸ್ಥಂ ಪರಮಾರ್ಥತತ್ತ್ವಮ್ | ಸಂಸ್ಪರ್ಶಮಾತ್ರೇಣ ನೃಣಾಂ ಸಮಾಧಿಂ ವಿಧಾಯ ಸದ್ಯೋ ಭುವಿ ರಾಮಕೃಷ್ಣಃ || ರಾಗಾದಿಶೂನ್ಯಾಂ ತವ ಸೌಮ್ಯಮೂರ್ತಿಂ ದೃಷ್ಟ್ವಾ ಪುನಶ್ಚಾತ್ರ ನ ಜನ್ಮಭಾಜಃ | ಸ್ಥಾನೇ ಯದಾದಾಯ ವಿಶುದ್ಧಸತ್ತ್ವಂ ಇಹಾವತೀರ್ಣೋ ಭುವಿ ರಾಮಕೃಷ್ಣಃ || ನಾಕಾದಿಲೋಕಂ ಸುಖದಂ ಚ ದಿವ್ಯಂ ಸುರಮ್ಯಮೈಶ್ವರ್ಯಮಹಂ ನ ಯಾಚೇ | ಹೃದಾಸನೇ ತ್ವಂ ಕೃಪಯಾ ಸದಾ ವೈ ವಸೇತಿ ಯಾಚೇ ಭುವಿ ರಾಮಕೃಷ್ಣಃ || ಯಂ ಬ್ರಹ್ಮವಿಷ್ಣು ಗಿರಿಶಶ್ಚ ದೇವಾ ಧ್ಯಾಯಂತಿ ಗಾಯಂತಿ ನಮಂತಿ ನಿತ್ಯಮ್ | ತೈಃ ಪ್ರಾರ್ಥಿತಸ್ತಸ್ಯ ಪರಾವತಾರೋ ದ್ವಿಬಾಹುಧಾರೀ ಭುವಿ ರಾಮಕೃಷ್ಣಃ || ವಂದೇ ಜಗದ್ಬೀಜಮಖಂಡಮೇಕಂ ವಂದೇ ಸುರೈಃ ಸೇವಿತಪಾದಪೀಠಮ್ | ವಂದೇ ಭವೇಶಂ ಭವರೋಗವೈದ್ಯಂ ತಮೇವ ವಂದೇ ಭುವಿ ರಾಮಕೃಷ್ಣಮ್ ||