ಬ್ರಹ್ಮರೂಪಮಾದಿಮಧ್ಯ

ಬ್ರಹ್ಮರೂಪಮಾದಿ-ಮಧ್ಯ-ಶೇಷ-ಸರ್ವ-ಭಾಸಕಂ ಭಾವ-ಷಟ್ಕ-ಹೀನ-ರೂಪ-ನಿತ್ಯ-ಸತ್ಯಮದ್ವಯಮ್‌ | ವಾಙ್ಮನೋsತಿ-ಗೋಚರಂ ಚ ನೇತಿ-ನೇತಿ-ಭಾವಿತಂ ತಂ ನಮಾಮಿ ದೇವ-ದೇವ-ರಾಮಕೃಷ್ಣಮೀಶ್ವರಮ್‌ ॥ ಸರ್ವ-ಭೂತ-ಸರ್ಗ-ಕರ್ಮ-ಸೂತ್ರ-ಬಂಧ-ಕಾರಣಂ ಜ್ಞಾನ-ಕರ್ಮ-ಪಾಪ-ಪುಣ್ಯ-ತಾರತಮ್ಯ-ಸಾಧನಮ್‌ | ಬುದ್ಧಿ-ವಾಸ-ಸಾಕ್ಷಿ-ರೂಪ-ಸರ್ವಕರ್ಮ-ಭಾಸನಂ ತಂ ನಮಾಮಿ ದೇವ-ದೇವ-ರಾಮಕೃಷ್ಣಮೀಶ್ವರಮ್‌ ॥ ತುಲ್ಯ-ಲೋಷ್ಟ-ಕಾಂಚನಂ ಚ ಹೇಯ-ನೇಯ-ಧೀಗತಂ ಸ್ತ್ರೀಷು ನಿತ್ಯ-ಮಾತೃರೂಪ-ಶಕ್ತಿ-ಭಾವ-ಭಾವುಕಮ್‌ | ಜ್ಞಾನ-ಭಕ್ತಿ-ಭುಕ್ತಿ-ಮುಕ್ತಿ-ಶುದ್ಧ-ಬುದ್ಧಿ-ದಾಯಕಂ ತಂ ನಮಾಮಿ ದೇವ-ದೇವ-ರಾಮಕೃಷ್ಣಮೀಶ್ವರಮ್‌ ॥ ಸರ್ವ-ಧರ್ಮ-ಗಮ್ಯ-ಮೂಲ-ಸತ್ಯ-ತತ್ತ್ವ-ದೇಶಕಂ ಸಿದ್ಧ ಸರ್ವ-ಸಂಪ್ರದಾಯ-ಸಾಂಪ್ರದಾಯ-ವರ್ಜಿತಮ್‌ | ಸರ್ವ-ಶಾಸ್ತ್ರ-ಮರ್ಮ-ದರ್ಶಿ-ಸರ್ವವಿನ್ನಿರಕ್ಷರಂ ತಂ ನಮಾಮಿ ದೇವ-ದೇವ-ರಾಮಕೃಷ್ಣಮೀಶ್ವರಮ್‌ ॥ ಧರ್ಮ-ಹಾನ-ಹಾರಕಂ ತ್ವಧರ್ಮ-ಕರ್ಮ-ವಾರಕಂ ಲೋಕ-ಧರ್ಮ-ಚಾರಣಂ ಚ ಸರ್ವ-ಧರ್ಮ-ಕೋವಿದಮ್‌ । ತ್ಕಾಗಿ-ಗೇಹಿ-ಸೇವ್ಯ-ನಿತ್ಯ-ಪಾವನಾಂಘ್ರಿ-ಪಂಕಜಂ ತಂ ನಮಾಮಿ ದೇವ-ದೇವ-ರಾಮಕೃಷ್ಣಮೀಶ್ವರಮ್‌ ॥