ಶ್ರೀರಾಮಕೃಷ್ಣ-ಸುಪ್ರಭಾತಮ್

ಧರ್ಮಸ್ಯ ಹಾನಿಮಭಿತಃ ಪರಿದೃಶ್ಯ ಶೀಘ್ರಂ ಕಾಮಾರಪುಷ್ಕರ ಇತಿ ಪ್ರಥಿತೇ ಸಮೃದ್ಧೇ | ಗ್ರಾಮೇ ಸುವಿಪ್ರಸದನೇ ಹ್ಯಭಿಜಾತ ದೇವ ಶ್ರೀರಾಮಕೃಷ್ಣಭಗವನ್ ತವ ಸುಪ್ರಭಾತಮ್ || ಬಾಲ್ಯೇ ಸಮಾಧ್ಯನುಭವಃ ಸಿತಪಕ್ಷಿಪಂಕ್ತಿಂ ಸಂದೃಶ್ಯ ಮೇಘಪಟಲೇ ಸಮವಾಪಿ ಯೇನ | ಈಶೈಕ್ಯವೇದನಸುಖಂ ಶಿವರಾತ್ರಿಕಾಲೇ ಶ್ರೀರಾಮಕೃಷ್ಣಭಗವನ್ ತವ ಸುಪ್ರಭಾತಮ್ || ನಾನಾವಿಧಾನಯಿ ಸನಾತನಧರ್ಮಮಾರ್ಗಾನ್ ಕ್ರೈಸ್ತಾದಿ ಚಿತ್ರನಿಯಮಾನ್ ಪರದೇಶಧರ್ಮಾನ್ | ಆಸ್ಥಾಯ ಚೈಕ್ಯಮನಯೋರನುಭೂತವಾಂಸ್ತ್ವಂ ಶ್ರೀರಾಮಕೃಷ್ಣಭಗವನ್ ತವ ಸುಪ್ರಭಾತಮ್ || ಹೇ ಕಾಲಿಕಾ-ಪದ-ಸರೋರುಹ-ಕೃಷ್ಣ-ಭೃಂಗ ಮಾತುಸ್ಸಮಸ್ತ-ಜಗತಾಮಪಿ ಶಾರದಾಯಾಃ | ಐಕ್ಯಮ್ ಹ್ಯದರ್ಶಿ ತರಸಾ ಪರಮಂ ತ್ವಯೈವ ಶ್ರೀರಾಮಕೃಷ್ಣಭಗವನ್ ತವ ಸುಪ್ರಭಾತಮ್ || ರಾಖಾಲ-ತಾರಕ-ಹರೀ0ಶ್ಚ ನರೇಂದ್ರನಾಥಂ ಅನ್ಯಾನ್ ವಿಶುದ್ಧಮನಸಃ ಶಶಿಭೂಷಣಾದೀನ್ | ಸರ್ವಜ್ಞ ಆತ್ಮವಯುನಂ ತ್ವಮಿಹಾನುಶಾಸ್ಸಿ ಶ್ರೀರಾಮಕೃಷ್ಣಭಗವನ್ ತವ ಸುಪ್ರಭಾತಮ್ || ನಿತ್ಯಂ ಸಮಾಧಿಜಸುಖಂ ನಿಜಬೋಧರೂಪಮ್ ಆಸ್ವಾದಯಾನ್ ತವ ಪದೇ ಶರಣಾಗತಾಂಶ್ಚ | ಆನಂದಯನ್ ಪ್ರಶಮಯನ್ನುಪತಿಷ್ಠಸೇ ತ್ವಂ ಶ್ರೀರಾಮಕೃಷ್ಣಭಗವನ್ ತವ ಸುಪ್ರಭಾತಮ್ || ಸ್ವೀಕೃತ್ಯ ಪಾಪಮಖಿಲಂ ಶರಣಾಗತ್ಯೆರ್ಯದ್ ಆಜೀವನಂ ಬಹು ಕೃತಂ ದಯಯಾ ಸ್ವದೇಹೇ | ತಜ್ಜಾತಖೇದನಿವಹಂ ಸಹಸೇ ಸ್ಮ ನಾಥ ಶ್ರೀರಾಮಕೃಷ್ಣಭಗವನ್ ತವ ಸುಪ್ರಭಾತಮ್ || ಪ್ರಾತಃ ಪ್ರಣಾಮಕರಣಂ ತವ ಪಾದಪದ್ಮೇ ಸಂಸಾರದುಃಖಹರಣಂ ಸುಲಭಂ ಕರೋತಿ | ಮತ್ತ್ವೇತಿ ಭಕ್ತಿಭರಿತಾಃ ಪ್ರತಿಪಾಲಯಂತಿ ಶ್ರೀರಾಮಕೃಷ್ಣಭಗವನ್ ತವ ಸುಪ್ರಭಾತಮ್ || ಗಾತುಂ ಸ್ತುತೀಸ್ತವ ಜನಾ ಅಮೃತಾಯಮಾನಾಃ ಸಂಪ್ರಾಪ್ಯ ದರ್ಶನಮಿಂದಂ ತವ ಪಾದಯೋಶ್ಚ | ಧನ್ಯಾ ನರೇಶ ಭವಿತುಂ ಮಿಲಿತಾಸ್ಸಮೀಪಂ ಶ್ರೀರಾಮಕೃಷ್ಣಭಗವನ್ ತವ ಸುಪ್ರಭಾತಮ್ || ಸಂದಾಯ ದರ್ಶನಸುಖಂ ಶರಣಾಗತೇಭ್ಯೋ ಮೋಹಾಂಧಕಾರಮಖಿಲಂ ತ್ವಮಪಾಕುರುಷ್ವ | ಜ್ಞಾನಾರ್ಕ ಭಕ್ತಿಜಲಧೇ ಸಕಲಾರ್ತಿಹಂತಃ ಶ್ರೀರಾಮಕೃಷ್ಣಭಗವನ್ ತವ ಸುಪ್ರಭಾತಮ್ || ಆಹೈತುಕೀತಿ ಕರುಣಾ ಕಿಲ ತೇ ಸ್ವಭಾವೋ ದುಷ್ಟಾಃ ಕಠೋರಹೃದಯಾ ಅಪಿ ತೇ ಭಜಂತೇ | ತ್ವಾಮೇವ ಸರ್ವಜಗತಾಂ ಜನನಿ ಪ್ರಪಾತ್ರಿ ಶ್ರೀರಾಮಕೃಷ್ಣಭಗವನ್ ತವ ಸುಪ್ರಭಾತಮ್ || ಸುಪ್ತಾಂಸ್ತು ಭಾರತಜನಾನ್ ಸ್ವವಚಃಪ್ರಹಾರೈಃ ಉದ್ಬೋಧಯನ್ ವಿವಶಯನ್ ನಿಜಧರ್ಮಮಾರ್ಗೇ | ಪ್ರೋತ್ಸಾಹಯನ್ ಪರಮತಾಂ ಪ್ರಕಟೀಕರೋಷಿ ಶ್ರೀರಾಮಕೃಷ್ಣಭಗವನ್ ತವ ಸುಪ್ರಭಾತಮ್ || ಪ್ರಾತರುತ್ಥಾಯ ಯೋ ದೇವಂ ರಾಮಕೃಷ್ಣಂ ಸ್ಮರನ್ ಸ್ಮರನ್ | ಸ್ತೋತ್ರಮೇತತ್ಪಠೇದ್ಭಕ್ತ್ಯಾ ಸೋಮೃತತ್ವಾಯ ಕಲ್ಪತೇ ||