ॐ
ದಾಸ ಪಟ್ಟವೋ ಸನ್ಯಾಸ ಪಟ್ಟವೋ ||ಪ||
ಆಸೆಯಿಂದ ನೆಲೆಯಾದಿಕೇಶವನ್ನ ನೆನೆಯದವಗೆ ||ಅ||
ಮಂಡೆ ಬೋಳು ಮಾಡಿ ನಾಮ
ದುಂಡೆಯನ್ನು ಬರೆದು ಕೆಡಿಸಿ
ಕಂಡ ಕಂಡವರನು ಕೂಡಿ
ಭಂಡಜನ್ಮ ಹೊರೆಯುವವಗೆ ||1||
ಅವರವರ ಕೈಯ ನೋಡಿ ಹ
ಲವು ಕೆಲವು ಮಾತನಾಡಿ
ಹಲವು ಹಂಬಲಿಸಿ ದಿನವ
ಕಳೆದು ಉಳಿದು ಬಾಳುವಗೆ ||2||
ಬೆಂದ ಸಂಸಾರವೆಂಬ
ಬಂಧನದೊಳಗೆ ಸಿಲುಕಿಕೊಂಡು
ಚೆಂದಾದಿಕೇಶವನ್ನ
ಒಂದು ಬಾರಿ ನೆನೆಯದವಗೆ ||3||
Thoughts & Reflections
0No reflections shared yet. Be the first to share your thoughts!