ಯಮದೂತರಿನ್ನೇನು ಮಾಡುವರು ಪೇಳೊ

ಯಮದೂತರಿನ್ನೇನು ಮಾಡುವರು ಪೇಳೊ ರಮೆಯರಸ ರಘುನಾಥ ನಿನ್ನರಿಕೆಯುಳ್ಳವರಿಗೆ ||ಪ|| ಮಂಡಲದೊಳಗೊಬ್ಬ ಜಾರಸ್ತೀಯಳು ತನ್ನ ಗಂಡನರಿಕೆಯಿಂದ ವ್ಯಭಿಚಾರಗೈಯೆ ಮಂಡಲಪತಿಯು ಶೋಧಿಸಿ ಹಿಡಿದೆಳೆತಂದು ಭಂಡು ಮಾಡಲು ಬೆದರುವಳೆ ಕೇಳೆಲೊ ಹರಿ ||1|| ಕಳವಿನ ಒಡವೆಯ ಒಡೆಯಗೆ ಪಾಲೀವ ಕಳಬಂಟ ಕನ್ನವ ಕೊರೆಯುತಿರೆ ಕಳವು ಮಾಡಿದನೆಂದು ಹಿಡಿದೆಳೆತಂದರೆ ತಳವಾರನೇನು ಮಾಡುವನು ಕೇಳೆಲೊ ಹರಿ ||2|| ಮನವಚನದಲಿ ಮಾಡಿದ ಪಾಪ ಪುಣ್ಯಗಳ ನಿನಗರ್ಪಿಸುವೆ ಕಾಲಕಾಲದಲಿ ಘನ ಕೃಪಾಂಬುಧಿ ಕಾಗಿನೆಲೆಯಾದಿಕೇಶವ ಎನಗೆ ಆರೇನು ಮಾಡುವರು ಕೇಳೆಲೊ ಹರಿ ||3||